,,, كيف أخترت أسمك المستعار في المنتدى ؟ ,,,

السلام عليكم ورحمة الله وبركاته
فكره موضوع جميلة قوي

انا اسمي الحقيقي محمد عبد الله روبي لكن اسمي في المنتدى وفي كل المنتديات هو ( أبو الليل ) واحيانا في منتديات تانيه بيبقى ( abuelleel )

الاسم ده انا بعتز بيه جدا هو في الاصل كان اسم شهره لوالدي منذ صغره فكان يطلق عليه ( أبو الليل ) وانا بالبديهه ( محمد أبو الليل )

وفي بداية عملي في مجال الخط العربي كنت بوقع على اعمالي باسم ( محمد عبد الله ) وفيه اعمال لسه موجوده لحد دلوقتي عليها التوقيع ده مع انها من فتره كبيره ممكن تصل لعشرة سنوات

وكانت فكرة التوقيع باسم ابو الليل هي فكرة احد اصدقائي لما بدأت الناس تعرفني من خلال العمل في الخط العربي ويعرفوني كخطاط كنت مع احد اصدقائي في مره واستشرته قلت له انا عاوز اثبت على توقيع على اعمالي ويكون الاسم مميز مع اني فكرت كتير قبل ما استشيره وكنت كل ما اختار حاجه متعجبنيش

المهم صاحبي ده قال لي وتفكر ليه وتتعب نفسك ليه ما هو الاسم موجود قلت له ايه قال لي ( ابو الليل ) ساعتها انا استغربت ازاي الاسم ده مجاش على بالي ومن ساعتها وانا معروف بين الناس بالاسم ده ( أبو الليل ) او ( محمد ابو الليل )

والطريف انه بعد ما اتعرفت بالاسم ده وانتشر بطريقه كبيره والدي حس اني اخد منه اللقب بتاعه فقال لي بكل روح رياضيه : ( تصدق انت احق بيه مني ده انا يا بني بنام من بعد العشا على طول ابقى ابو الليل ازاي بقى انت اللي ابو الليل عن جداره ) ههههههههههههه

وده طبعا لاني كائن ليلي اعشق السهر والعمل بالليل وطبعا النوم بالنهار ( ابقى ابو الليل بقى ولا مش ابو الليل )

وتوته توته خلصت الحدوته ويارب متكونش ملتوته ( الا بصحيح هو يعني ايه ملتوته ؟ )

 

هههههههههههههههههههههه


عسل يا أبو الليل

والحاج الوالد سكر

ربنا يبارك فيه




تحياتي

 

والله انت اللي عسل يا شاهد
ربنا يكرمك بالشهادة يا رب وتبقى شهيد
ربنا يبارك فيك وفي والديك

 

اسمي محمد
واخترت ابو نيرة لان عندي بنت اسمها( نيرة) اربع سنوات
وليس معي غيرها

 

بداية موضوع جميل ومهم
بالنسبة لى أنا مشترك باسم mido_saad
فىالحقيقة ( بس ما حدش يضحك ) كان والدىووالدتى كانوا يعتزوا بى وهذا طبيعى لأى
شخص اخر لأنى أول مولود لهم فأطلق على اسم ( ميدو ) وظل هذا الاسم معلق فى
أذهان الجميع إلى أن وصلت للمرحلة الأعدادية وانقلب السم نقمة على لأن كان على سبيل المزاح كان أصدقائى وغيرهم يروا أن هذا الاسم يستدعى السخرية.
وبدون تفكير عملت جاهدا على ترك هذا السم ( حينما كان ينادينى به أحد كنت لا أرد عليه ) حتى تم المراد.
وأعتقد شخص عدى الثلاثين من عمره تبقى عيبه فى حقه لما يكون ( ميدو )
ههههههههههه
وهكذا احتكرت هذا السم للمنتديات فقط
وصدقونى حاولت جاهدا فى هذا المنتدى الرائع أن أغير الاسم إلى اسمى الحقيقى ولكن كل محاولاتى فشلت ................
وسأحول مرة أخر ى وإلا بعثت رسالة إستغاثة لأحبابى مديرين المنتدى
وسلااااااااااااااااااااااااااااااااااااااااااااام

 

..موضوع جدا رائع ..
..وأحب أعطيكم خبر ..اولا انا داخله باسم مستعار لاني لازلت مبتدئه في عالم الخطاطين
لذا ليس من المهم معرفة اسمي ..
لكن لكم مني ان شاء الله اول ماأ تقدم في الخط وأشارك معكم في معارض ..الخطاطين اطلب من الاشراف الغاء اسمي المستعار او تغييره الى اسمي الحقيقي..

ثانيا ...انا..( ألماسه..) وغاليه جدا على نفسي قبل أهلي .. ( ممكن تسمونه اعتزاز وفخر بالنفس ماهو غرور للانجازات التي توصلت لها بنفسي ..بفضل الواحد الأحد ولله الحمد والمنه..)..وأشبه نفسي لندرتي بالألماسه..الحساسه
التي بريقها يخطف الابصار ...( يعني ..احب الخير للغير )...وقلبها يأسر من يعرفه ...لطيبته
الزائده ..

تقبلوا فائق التحية والتقدير ...
أ

 

هذا المنتدى خاص بأهل الفن لذلك فأغلب المنتسبين دخلوا بأسمائهم الحقيقية أما أنا فقد دخلت بكنيتي فأنا أبو ابراهيم وأسكن في بلد اسمها الميادين واسمي عبد الله الحسين وأنا أعتز باسمي
وقد حاولت الدخول باسمي لكني لم أستطع لوجود شبيه في الاسم وقد آلمني ذلك لأني معروف بين الخطاطين به ولكني لم أبتعد كثيراً فكلا الاسمين لي وشكراً
ا

 

انا بحب اشكركم على الموضوع الجميل دا وثانيا انا داخل باسم مستعار ومش معنى ان الانسان يدخل باسم مستعار انه يكون نقص فى شخصيته او شىء من هذا القبيل لكن ممكن محب للاسم او متاثر باللقب واختيارى للقب ابن مقله ما هو الا حب للخط العربى ومدى اعجابى بالوزير ابن مقله وتاثرى الشديد بقصه حياته وانا اسمى الحقيقى ابراهيم ودايما فى كل المنتديات بشترك باسم hem لكن فى منتدى زى منتدى المبدعين مهتم بالخط مش هلاقى اسم مستعار يكون احسن من ابن مقله
دى وجهات نظرى ودى وجهه نظرى